یاہو نے جی میل سے ای میلز امپورٹ کرنے کی سہولت متعارف کرادی

یاہو میل نے کافی عرصے سے یاہو میں دوسرے ای میل اکاﺅنٹس استعمال کرنے کی سہولت متعارف کرائی ہوئی ہے۔ دوسری ڈھیروں ای میل سروسز میں جی میل نہیں تھی تو سمجھو کچھ نہیں تھا۔ اب یاہو نے ایپلی کیشن میں جی میل کی سپورٹ بھی شامل کر دی ہے۔ یاہو ایپلی کیشن کے صارفین اپنی ایپلی کیشن میں جی میلز کی ای میل بھی امپورٹ کر سکتے ہیں۔ جی میل کے صارفین بھی دوسری تمام ہی سروسز کی ای میل کو امپورٹ کر سکتے ہیں اور جی میل میں ہی دوسرے اکاﺅنٹ منظم کر سکتے ہیں ۔ اس لیے ایسے صارفین جن کا پرائمری ای میل اکاﺅنٹ یاہو پر ہے وہی اس سہولت سے بہتر طریقے سے فائدہ اٹھا سکتے ہیں۔