آئی فون کا استعمال چھوڑ دیں ، اینڈرائڈ فون استعمال کرو، فیس بک نے اپنے ملازموں کو ہدایت کر دی کیونکہ

گزشتہ دنوں ہم نے آپ کو خبر دی تھی کہ فیس بک کے بانی مارک زکربرگ نے کمپنی ملازمین کو ہفتے میں ایک دن کم رفتار انٹرنیٹ فراہم کرنا شروع کر دیا ہے تاکہ وہ ان ممالک کے لیے بھی بہتر ایپلی کیشنز اور ان کے فیچرز ڈیویلپ کر سکیں جن میں انٹرنیٹ کی رفتار کم ہوتی ہے۔ اب مارک زکربرگ کی طرف سے ایسا ہی ایک اور اقدام سامنے آ گیا ہے۔ انہوں نے کمپنی ملازمین کو ہدایت کی ہے کہ وہ آئی فونز کی بجائے اینڈرائیڈ فونز استعمال کریں۔

فیس بک کے چیف پراڈکٹ آفیسر کرس کاکس کا کہنا ہے کہ اس اقدام کا مقصد یہ نہیں کہ فیس بک گوگل کے اینڈرائیڈ آپریٹنگ سسٹم کی تشہیر کرنا چاہتی ہے بلکہ اس اقدام کا مقصد یہ ہے کہ کمپنی کے ملازمین بھارت جیسے ترقی پذیر ممالک کی مارکیٹس کی ضروریات کو سمجھ سکیں۔ چونکہ ترقی پذیر ممالک کے عوام مہنگے آئی فونز نہیں خرید سکتے اور عموماً اینڈرائیڈ فون ہی استعمال کرتے ہیں اس لیے اینڈرائیڈ فون استعمال کرنے سے فیس بک کے ملازمین ان کے مسائل سے بخوبی آگاہ ہو سکیں گے۔